ဥမ္မာဒန္တီပျို့ (၂၃)

၂၃။ ဤသို့ဘုန်းစည်။ နှုတ်ဝယ်မြည်လျက်။ ဆယ်ရည်မင်းစံ။ ရာဂီဆံသို့။ သံတကျာ ကျာ။ မင်းလမ်းသာ၌။ စကြာဘုန်းတောက်။ ပြသာဒ်အောက်တွင်။ နေရောက်ကြာနှယ်။ ဟင်းနုနယ်သို့။ ညှိုးငယ်ခွေကာ။ သုနန္ဒာကို။ ရာဇာမင်းဖျား။ မေးတုံငြားက။ စကား ယဉ်မိန်း။ ရထားထိန်းလည်း။ ရှုစိန်းလမ်းကြောင်း။ မောင်းသည်ကာလ။ ပြူတင်းဝက။ တွင်းပရန်းဆီး။ စစ်သူကြီး၏။ ဇနီးသည်လျာ။ လှဥမ္မာကို။ ရာဇာမင်းကျော်။ မြင်လတ် သော်တည့်။ မူးမော်မချိ။ တပ်စိတ်ငြိ၍့။ သတိပျက်ခါ။ သိသည်ငှာကြောင့်။ ဥမ္မာဒန္တီ။ ဤကားနာမ။ အဘသဌေး။ ပြည်ရေးစီရင်။ လင်စစ်သူကြီး။ ခြားသီးသိသာ။ သုနန္ဒာ က။ မဟာဇနိန္ဒ။ အာလုပ်ပြလျက်။ ဥပေန္ဒဝဇိရာ။ ဥပဇာတိ။ မည်ရှိသညာ။ ဂါထာ နှစ်ဆင့်။ ဆန်းဂိုဏ်းသင့်ဖြင့်။    ။ကျူးရင့်သံသာ လျှောလေပါတည်း။

ဥမ္မာဒန္တီပျို့ (၂၂)

၂၂။ ရှေးသောအခါ။ သံသရာဝယ်။ ကမ္ဘာရှည်လျား။ ကာလများ၌။ ချားတလည်လည်။ ဘဝစည်၍့။ လုပြည်နတ်ရွာ။ တိရစ္ဆာနှင့်။ ပြိတ္တာငရဲး။ သံသာဝဲးတွင်။ ဖောက်လှဲး ကြာဖိ။ နာနက္ခိဖြင့်။ ဂတိငါးမည်။ ဘုံသုံးတည်၌။ လှည့်လည်အောက်ထက်။ အဆက် ဆက်လည်း။ တက်သက်စုန်ဆန်။ တပြန်ပြန်နှင့်။ ဖန်ဖန်လှည့်လာ။ ဘဝမှာလျှင်။ ဂင်္ဂါ မြစ်မှ။ သဲးလုံးမျှသား။ လောကထွတ်ဆင့်။ ငါးမာရ်လွင့်တို့။ ပွင့်ကြလှိုင်ကြူ။ တဆူဆူ တွင်။ ဆုယူဆုတောင်း။ ညောင်ရေလောင်းလျက်။ ပေါင်းရလို့ငှာ။ နှုတ်ဝယ်ဖြာ၍့။ ဒါန အတူ။ ငါနှင့်သူသည်။          ။ အလှူမပေး လေသလော။

ဥမ္မာဒန္တီပျို့ (၂၁)

၂၁။ စစ်ရေးမက်ရေး။ ရန်သူဘေးကြောင့်။ အပြေးအလွဲး။ ဆွေမျိုးကွဲးသား။ ပြည်ထဲး ရေးရာ။ ခက်သည်သာတည့်။ အစာအစား။ ထွားထွားမြည့်ကြေ။ ရှားပါးလေ၍့။ သေ ကျေပျောက်စဲး။ ငတ်မွတ်ကဲးလျှင်။ ပြည်ထဲးရေးထက်။ ဝမ်းရေးခက်၏့။ ထိုထက်မှာမူ။ ချစ်ခင်သူနှင့်။ အတူတကွ။ မပေါင်းရပဲး။ လွမ်းတပူဆွေး။ သူနှင့်ဝေးသော်။ ပြည်ထဲး ရေးနှင့်။ ဝမ်းရေးတို့ထက်။ လွမ်းရေးခက်၏့။ အဖက်မရ။ ခက်သုံးဝမူ။ ဒုလ္လဘတွင်။ မဝင်ပါလျက်။ သည်အခက်ကား။ သုထက်လွန်ကျူး။ သာ၍့ထူး၏့။ ရှေးဦးဖွားစ။ ငါ့ကို မသား။ သတ္တဘာဂ။ ဒေဝရာဇာ။ သူနှင့်ငါကို။           ။ဖူးစားမရေး လေသလော။

ဥမ္မာဒန္တီပျို့ (၂၀)

၂၀။ (၅၇)        နိဝေသနံ ကဿ နုဒံ သုနန္ဒ၊

                   ပါကာရေန ပဏ္ဍုမယေန ဂုတ္တံ၊

                   ကာ ဒိဿတိ အဂ္ဂိသိက္ခာဝိ ဒူရေ၊

                   ဝေဟာယသ ပဗ္ဗတဂ္ဂေဝ အစ္ဆိ။

     (၅၈)        ဓိတာ နာယံ ကဿ သုနန္ဒ ဟောတိ၊

                   သုနိဿာ နာယံ ကဿ အဝထာသိ ဘရိယာ၊

                   အက္ခာဟိ မေ ခိပ္ပမေဝ ပုဋ္ဌော၊

                   အဝိဓတာ ယဒိဝါ အတ္တိ။

မာဃ ဝါသဝ။ ပုရိန္ဒမှ။ သဟဿနေတ္ထ။ သက္ကနာမံ။ သုဇမ္ပတိ။ မည်ရှိခြောက်ပါး။ မြင်းမိုရ်ဖျား၌။ သိကြားမင်းကြီး။ မာတလိသို့။ သီဝိတိုင်းစံ။ ငါ့အထံဝယ်။ ဘုံပျံရထား။ နှင်တက်ငြားသည်။ ချစ်သားလူထူး။ ရထားမှူး။         ။ ပျော်မြူးထွေလာ။ သင်နှင့်ငါ တို့။ ဗိုလ်ပါရံလျက်။ ရထားစက်နှင့်။ ထွက်တော်မူလျှင်။ မင်းလမ်းခွင်ဝယ်။ ငွေစင်ဖြူး ဝင်။ သလဲးခင်းထက်။ ထုံးသင်းရနံ့။ တပျံ့ပျံ့နှင့်။ ဖျံ့ကြွဖဝါး။ ရွေဖော်များနှင့်။ ပွဲး သွားလမ်းမှာ။ တန်တိုင်းကာလျက်။ ဂေဟာရိပ်ငြိမ်။ ဘယ်သုအိမ်လည်း။ မသိမ်မငယ်။ ကြီးကျယ်ဖိခြင်း။ ရွှေပြူတင်းက။ နေမင်းရောင်ထိန်။ နှိုင်းလာချိန်လည်း။ အသူရိန်နတ်။ သဗ္ဗကြတ်သို့။ မြေကျက်တီးပြင့်။ နေကြာပွင့်နှယ်။ နေမင်းရောင်ခြည်။ မြုပ်ပျောက်မည် တည့်။ လျှပ်ခြည် သက်တံ။ မီးနှင့်စံအံ့။ အလျှံတောက်တုန်း။ ပြိုင်လှာနှုန်းသည်း။ ပိုးစုန်းကြူးမှ။ မီးရှူးတန်ဆောင်။ လျှပ်ခြည်မှောင်လိမ့်။ ကိုယ်ရောင်ထင်ထင်။ ဝေးက မြင်လျှင်။ ဘဝင်ငြိမ့်ငြိမ့်။ အသည်းစိမ့်မျှ။ ဖိမ့်ဖိမ့်တုန်လျက်။ ငါ့အသက်ကား။ ပြေးထွက် သုဘောင်။ သုဝယ်ပေါင်သော်။ မင်းခေါင် ကိုယ်လက်။ သတိပျက်၍့။ စုံမက်ခင်မှု။ သုဝယ်စုသည့်။ ဘယ်သုသမီး။ ရှုမငြီးမူ။ ယှဉ်မှီးဆွေလင်။ ဘယ်သူပင်ဟု။ သိချင်လှ မော။ ငါမင်းစောကို။ သဘောဟုတ်တိုင်း။ မဆုတ်ဆိုင်းနှင့်။ ပိုင်းပိုင်းခြားခြား။ ငါ့ချစ်သားသည်။ ထောက်ထားချင့်တွေး။ လျှောက်လတ်သေးလော့။ အရေးသုံးပါး။ အခက်များတွင်။ ငါကားခုတုံ။ ခက်ဆုံးကြုံသည်။      ။မတ်ယုံမတွေး လေသလော။

ဥမ္မာဒန္တီပျို့ (၁၉)

၁၉။ ရူပသဒ္ဒ။ ဂန္ဓရသာ။ ဖောဋ္ဌဗ္ဗာက။ ဓမ္မာလောကေ။ ဤလုမြေ၌။ သဉ္စေတနာ။ မယ်ဥမ္မာကို။ အာသဝါစင်။ မဟုတ်လျှင်မူ။ မမြင်လေမှာ။ မြင်ကြရလျှင်။ သရာဂစိတ်။ ရေ့နှယ်ဖိတ်၍့။ ဆို့ပိတ်မဖြစ်။ တားဆီးမြစ်လည်း။ ဥပ္ပဇ္ဇတိ။ သမာဓိပင်။ မရှိနိုင် ရှောင်း။ သုဆုတောင်းသည်။ ပြည့်ကြောင်းထုတ်ဖော်။ ရွှေကျောင်းပေါ်၌။ ကိုယ်တော် ပွဲးတွေ့။ ကြုံသရွေ့ကို။ စုံစေ့ဘုရား။ ဟောမြွက်ကြား၍့။ ယုံမှားသင်္ကာ။ မရှိရာပြီ။ နာလော့တထောက်။ ဇာတ်လမ်းရှောက်အံ့။ ရွှေမှောက်သတိ။ ပျက်သည်သိသလျှင်။ သီရိကလျာ။ မယ်ဥမ္မာလည်း။ ပြူသာလေသောက်။ အရှောက်ပိတ်လျက်။ ကိုယ်ကို ဝှက်၍့။ ဘဝဂ်တိမ်ခွင်။ လမင်းဝင်သို့။ မမြင်ရစေ။ လွှဲးတုံလေ၏့။ စက်ရွှေဘုန်းမော်။ ရထားပေါ်က။ ထိုရော်ရာဇာ။ ဘုရားလျာမူ။ စက္ခာယတန။ ပသာဒသည်။ ဥမ္မာ့ရုပ်ပုံ။ ရူပါရုံနှင့်။ ကြိုက်ကြုံတွေ့က။ အတီတမှ။ စ၍့မပြတ်။ ဥပဒ်ဌီဘင်။ ဘဝင်မဆိတ်။ စိတ္တက္ခဏ။ သတ္တရသာ။ တဒါရုံက။ ဘဝင်ကျအောင်။ သမထတွင်။ ကသိုဏ်းခွင်ကို။ သျှင်ပင်ရသေ့။ မြင်ဓလေ့သို့။ ရှေ့တွင်ချည်းသာ။ စောဥမ္မာကို။ မြင်လာသော့အား။ တပ်စိတ်များ၍့။ ရထားထိန်းကို။ မေးလိုရာတွင်။ ဥပဇာတိ။ အမည်ရှိသား။ ပါဠိပုစ္ဆာ။ နှစ်ဂါထားဖြင့်။    ။ ဤမှာအစ ရှေးဦးပြတည်း။

ဥမ္မာဒန္တီပျို့ (၁၈)

၁၈။ ဥမ္မာဒန္တီ။ ဆင်းသိင်္ဂီသည်။ စံမှီနတ်မျှ။ လှမလှမူ။ ထောက်ဆစာနာ။ သိစရာကို။ ပညာနှိုင်းဆ။ သိကုန်ကြလော့။ နာမမည်ရ။ အာသင်္ကဟု။ ကြာမှဇာတိ။ ဘုံပျံမိနှင့်။ မဏိမေခလာ။ မည်သာတွင်ညီ။ ဗိရဏီက။ စ၍နှိုင်းချိန်။ လေးရောင်ရှိန်ထက်။ ဝတိန် ဘုံထွတ်။ အနတ်နတ်တို့။ မန္ဓာတ်သီရိ။ စောနေမိမှ။ သာဓိနရ။ ဂုတ္တိလနှင့်။ ဇနကဟု။ နာမပညတ်။ လူမင်းမြတ်တို့။ ဥပပါတ်ဖြစ်။ နတ်စင်စစ်ကို။ သစ်သစ်ကိုယ်ထင်။ ကိုယ် စီပင်လျှင်။ ရုပ်သွင်စူးစူး။ မြင်ကြဖူး၏့။ ရူးမူးမှိုင်ဝေ။ သတိထွေအောင်။ စာပေမလာ။ မယ်ဥမ္မာမူ။ ဆရာပုဏ္ဏား။ လူအများနှင့်။ ဘုရားလောင်းစစ်။ သီဝိရာဇ်ပင်။ မူးယစ်တိမ်း မပ်။ ရာဂတပ်၍့။ ရူးသွပ်ရကြောင်း။ ရှေးဇာတ်ဟောင်းကို။ ရွှေကျောင်းကြီးထက်။ သျှင် ပင်မြွက်၏့။ နတ်ထက်လှသူ။ တူမတူမူ။ ယူကြစေမည်။ ဆိုခဲ့သည်ကို။ ယုံကြည်စွန်းငြိ။ သင်္ကာရှိလျှင်။ ပါဠိအဋ္ဌကထာ။ ဋီကာနိသျှ။ ဇာတက၌။ ကြည့်ကြလေပါ။ လူဘို့မှာ၌။ သမ္ဘာရင့်တည်။ ကုသိုလ်စည်စော်။ နတ်ပြည်မက။ ဗြဟ္မာ့ပြည်တိုင်။ မနေပိုင်တည့်။ ဆိုင်သည့်ရွာသား။ ရွာစားအမှု။ ပြုရသလို။ တို့လူဗိုလ်၌။ ကုသိုလ်ခက်ဖြာ။ နတ်ထက် သာသည်။    ။ စိတ်ဖျာကြံဖို့ အမှာတည်း။

ဥမ္မာဒန္တီပျို့ (၁၇)

၁၇။ အထွေအထွေ။ ရှုဖွယ်တွေလည်း။ ရွှေမြေတောင်ထွတ်။ လေးရောင်လွှတ်ဝယ်။ သုဒဿန။ ရွှေပြည်မ၌။ သက္ကရာဇာ။ သုဓမ္မာကို။ ထွက်ကာလတွင်။ နတ်သဘင်သို့။ ပုံပြင်မယွင်း။ ပြည်သူချင်းတို့။ ပျော်ခင်းရာရု။ ဖော်ချင်းစု၍့။ ကယုကယင်။ တစု ပြင်လျက်။ ပျော်ရွှင်သဖြင့်။ ပြည်လုံးတင့်သော်။ မင်းနှင့်မှူးမတ်။ ပရိသတ်တို့။ ဝန်းပတ် လှည့်ကာ။ နေသွားရာကို။ ဆယ်ဖြာလက်မြှောက်။ ရှိဥိးစောက်ဖြင့်။ ပေါက်ပေါက်ပန်း မွှေး။ မုလေးစံကား။ ခရားစံပယ်။ အလှယ်လှယ်နှင့်။ ပျံ့ကြွယ်လှိုင်ကြူ။ ရနံ့တူ သား။ ငွေကျူရောင်ရိပ်။ သဲးဖြူသိပ်၌။ မစိပ်မကျဲး။ ဗိုလ်သူရဲးနှင့်။ ပန်းကြဲးလမ်းချက်။ ရထား ထက်က။ မြေသက်သနင်း။ သိကြားမင်းသို့။ အိမ်ရင်းနီးစွာ။ ရောက်သော့ခါတွင်။ မှား၍့ထားသူ။ လာပြီဟူလျက်။ ပြောမူဘုံခန်း။ လေသာနန်းကို။ လှစ်တွန်းပြီးခါ။ အရုဏ်လာတွင်။ နေဝါဖန်စက်။ ပေါ်လာထွက်သို့။ ရွှေလက်လှနှင့်။ အသာဖွင့်လျက်။ ပန်းပွင့်ဆုပ်ကာ။ မယ့်ကိုရှာဟု။ မျက်နှာချိုချို။ ဆိုသလိုဖြင့်။ မင်းကိုမာယာ။ ပစ်ကြဲးခါ တွင်။ နိမ္မာနရ။ ဘုံကစံသီး။ နတ်သ္မီးသို့။ ညီးညီးပြောင်ပြောင်။ လှကိုယ်ရောင်နှင့်။ မင်းခေါင်းဘုန်းရှိ။ မြင်လိုက်မိသော်။ ပင်ထိကရုံး။ အလှဆုံးကို။ နှလုံးစိတ်တွင်။ သိစမ်း ချင်၍့။ လူရှင်လက်ထိ။ တို့လိုက်မိလျှင်။ နွမ်းရိညှိုးငယ်။ ဖြစ်သော့နှယ်သို့။ မင်းဝယ် ကိုယ်လက်။ ရထားဝယ်မှာ။ ပျောင်းလျက်ခွေ၏။ မိန်းမောရှိသော်။ စစ်သူကြီးအိမ်။ ရိပ်ငြိမ်နေရာ။ ဘယ်မှာမသိ။ သတိမဲ့လျှင်။ ရထားနှင်လည်း။ အလျင်အမြန်။ မင်းဖြစ် ဟန်ကို။ အမှန်မုချ။ မသိရ၍့။ ထိပ်လှသော့ခါ။ စိတ်ဗျာပါနှင့်။ ဆိတ်စာရထား။ တန့်ကာနားသည်။ ။တိုင်းကားမလှည့် နှိုင်ပါတည်း။

ဥမ္မာဒန္တီပျို့ (၁၆)

၁၆။ ဂိမ္မာန်ဝသန်။ ချိန်မှတ်လွန်ကျူး။ ဟေမန်ဦး၌။ ပျော်မြူးကုန်ကြ။ ဝိစ္ဆိကနှင့်။ သမယမှာ။ ပုဏ္ဏမာတွင်။ ဝလာမြူနှင်း။ ပလာကင်း၍့။ ရှင်းသည်ကာလ။ ကက္ကဋဟု။ ဓညရာသီ။ နက္ခတ်ဆီက။ ဗဟီငွေကျော။ မနောမယ။ ဇောတဘုံတွင်း။ ငွေယုန် လင်းသော်။ မင်းလမ်းတရှိ။ ပန်းအတိဖြင့်။ ဗဟိနိက။ အရင်းစ၍့။ ဝဿဘုံစိုး။ နတ်တို့ နိုးလျှင်။ ရှေးရိုးထုံးရှည့်။ ဘေးဘိုးလှည့်သို့။ သလည့်သလွင်း။ သဲးဖြူခင်းထက်။ မြင်းလင်းလှလှ။ ရွလည်းရွလျက်။ ဝဝကြီးကြီး။ အစီးကောင်းမွန်။ နားကျူချွန်နှင့်။ မျက်ဆန်ဂယ်လောင်း။ ဆံလည်းကောင်းသား။ ဦးခေါင်းမြီးထောင်။ ပိတုန်းရောင်မူ။ အာပေါက်လက်ရောက်။ သုံးဆစ်မြှောက်၍့။ နောက်လည်းပွပွ။ စာမြီကသို့။ ထကြွ ကျောက်ကန်။ ပျံမည်ဟန်နှင့်။ ဗွေကြန်သွေးမွေး။ ကောင်တူရွေးသည်။ မြင်းလေးစီးလှ။ ဇာနည်ကသား။ ရထာ့းတင့်ဟန်။ ဝေဇယန်လည်း။ မတန်လေအောင်။ ကျောက်ပြိုး ပြောင်တွင်။ လရောင်မီးပွင့်။ ပနံသင့်၍့။ နေမင်းဖန်စက်။ မြေဝယ်သက်သို့။ ပြိုးပြက် လျှံဝါ။ ရွှေစကြာထက်။ နရာဘုန်းကြွယ်။ ပျော်စံပယ်လျက်။ နိကာယ်နတ်တူ။ ထွက် တော်မူသည်။       ။ ပြည်သူရှုကြ အုတ်အာတည်း။

ဥမ္မာဒန္တီပျို့ (၁၅)

၁၅။ ထုံးစံမသွေ။ သုံးရဲရွေတို့။ ပဝေသဏီ။ စတေညီအောင်။ ရာသီမှာလျှင်။ တန်းဆာ ဆင်သား။ သဘင်ခါဝယ်။ ဥမ္မာမူလေ။ ခိုင်းစေယုံလောက်။ ကျွန်တယောက်ကို။ ရွှေမှောက်မင်းဖျား။ တို့အိမ်ပါးသို့။ ရောက်ငြားသောခါ။ ပြောလှည့်ပါဟု။ မှာ၍့စေ့ရေ။ စောင့်၍စေ့ရေ။ စောင့်ချေစေ၏့။ စိတ်နေအထဲး။ နှလုံးစွဲးမူ။ စောရဲးဘုန်းဟေ့။ ရွှေဂူ မွေ့သည်။ ခြင်္သေ့ဆီပက်။ မှန်ပါလျက်နှင့်။ ရွှေခွက်သိင်္ဂီ။ မယ်ဒန္တီကို။ မသီချင်ဟန်။ တုံ့လိုက်ပြန်သည်။ ယမန်ကာလ။ ရှေးဦးကလျှင်။ ပုဏ္ဏာ့းစကား။ ယုံသော့အားဖြင့်။ မှားရှာပလေ။ မယ့်အနေကို။ သပြေဒီပ။ မကလေတတ်။ လေးကျွန်းပတ်လျက်။ ရဟတ် စက်တွင်။ ရွှေရုပ်တင်၍့။ ဘုရင်ဘုန်းဝေ။ ရှာပါချေဟု။ လက်ခြေနှုတ်ဝယ်။ ဆိုသော့နှယ်ဖြင့်။ စံပယ်မုလေး။ ကြိုင်ကြိုင်မွှေးကို။ စံသွေးနီမောင်း။ ရွှေပန်းတောင်း၌။ ပန်းကောင်းရွေးကြည့်။ ပန်းစုံထည့်လျက်။ ရွှေပြည့်သခင်။ နတ်သျှင်ဘုန်းမော်။ လာ လတ်သော်တည့်။ ကိုယ်တော်နှလုံး။ ယူကျုံးမရ။ နောင်တကြီးစွာ။ ဖြစ်စိမ့်ငှာကို။ လည်မာပြိုးပြက်။ စိန်ဘယက်နှင့်။ လက်ကောက်ပုလဲး။ အာနီခဲးမှ။ ရဲးရဲးလျှံမောင်း။ နားတောင်ပတ္တမြား။ ဝတ်စားကောင်းစွာ။ တန်းဆာညီးညီး။ ဆင်ဝတ်ပြီးလျှင်။ အနီး ရောက်က။ ရုပ်ပုံပြမည်။ ပြူဝအတွင်း။ ရွှေပြူတင်းက။ မင်းအလာချင့်။ စောင့်နေနှင့် သည်။          ။ ငါးဆင့်ဘုံသု ရောင်ဝါတည်း။

ဥမ္မာဒန္တီပျို့ (၁၄)

၁၄။ မင်းနေဌာန။ ယင်းဒေသဝယ်။ ဝါလကျွတ်ပြောင်း။ ကြာကနှောင်းသော်။ ဒေါင်း ငှက်ကတွန်။ ဆောင်းလက်မွန်၌။ တွန်ကြဆဲးလျှင်။ ဝမ်းပဲးကကွေ။ ချမ်းမြဲးထွေ၍့။ ချေကလည်းဟောက်။ လေကမြောက်နှင့်။ နှင်းပေါက်မဝေ။ မိုးမစွေသား။ အပေတယံ။ နေဝင်ယံတွင်။ ယုန်စံဘုံစက်။ ခုန်ပျံတက်၍့။ ကျီးငှက်တာရာ။ ကြယ်နှင့်လာသော်။ တန်းဆာဆင်ယင်။ နတ်သဘင်သို့။ မြို့ပြင်မြို့တွင်း။ မီးရောင်ဝင်းလျက်။ ဟင်းလင်း တံခါး။ ဖွင့်ကားထား၍့။ ပြည်သားပြည်သူ။ လှိုက်ဆုအုန်းအုန်း။ တန်ဆောင်မုန်းတွင်။ ချိန်ဆုန်းသဘင်။ ပွဲးကြီးဆင်လျက်။ ပျော်ရွှင်ကြမြဲး။ ထိုသို့ပွဲး၌။ စောရဲးဘုန်းစည်။ မြို့ရွှေပြည်ကို။ လှည့်လည်ရှုမျှော်။ ထွက်မည်ဆော်ဟု။ မင်းကျော်သီရိ။ မိန့်တော် ရှိလျှင်။ အဘိပါရက။ နာမတွင်ပြီး။ စစ်သူကြီးလည်း။ ဇနီးအိမ်မှာ။ စောဥမ္မာကို။ ရာဇာ ထွတ်တင်။ ထွက်လာလျှင်တည့်။ မမြင်စေနှင့်။ မြင်သမြင့်မူ။ မင်းဣနြေ္ဒ။ တည်နေ ချုပ်ကိုင်။ မတတ်နှိုင်ရာ။ သည်ကိုစာ၍့။ အမှာစေ့ရေ။ ထားခဲ့ပေ၏့။ သပြေတမွတ်။ နရထွတ်လည်း။ မင်းဝတ်တန်းဆာ။ ဆင်လျက်သာဖြင့်။ ဗိုလ်ပါရံပြီး။ ရထားစီးလျက်။ မငြိမ်းရှုဖွယ်။ နတ်တို့လယ်၌။ တင့်တယ်လှစွာ။ ဝေယန္တာက။ ဣန္ဒာကနတ်မင်း။ သက် လှာဆင်းသို့။ သန့်ရှင်းမြေချက်။ သဲဖြူထက်တွင်။ သွက်ပက်ရေဖြန်း။ ပွင့်စုံပန်းနှင့်။ ကာရန်းဖြောင့်မတ်။ ရာဇမှတ်ဝယ်။ ပန်းသတ်ညောင်ရေ။ သပြေနီးမြန်း။ ဒန်းကဝေလျှံ။ အုန်းကြံငှက်ပျော်။ မြင်သူမောမျှ။ ပြော၍့မလွန်။ တင့်တယ်ဟန်လည်း။ လမ်းကို ရှောက်လျက်။ ရွှေမှောက်ဘုန်းမော်။ ထွက်စံပျော်သည်။       ။မှူးတော်မတ်စု ရံကာ တည်း။

ဥမ္မာဒန္တီပျို့ (၁၃)

၁၃။ ထိုသို့ပုဏ္ဏား။ မင်းကျိုးများ၌။ မထားမထောက်။ ဒေါသပေါက်၍့။ စိတ်နောက် ကိုယ်ပါ။ မဟုတ်ရာကို။ ညှာတာမရှိ။ လျှောက်ရှာဖိသော်။ မင်းကြီးစိတ်တွင်။ အဟုတ် ထင်လျက်။ မမြင်သော့အား။ ယုံမိမှား၍့။ မိဖုရားဖို့။ အင်္ဂါချို့လျှင်။ ငါတို့မင်းနှင့်။ မတော်သင့်ဟု။ စိတ်ချင့်ပြီးမူ။ ဆင်းနတ်တူကို။ မယူလိုငှာ။ မိန့်လိုက်ရာတွင်။ ဥမ္မာဒန္တီ။ ဆင်းနတ်ပီလည်း။ ဤမင်းကိုယ်သည်။ ရပ်မတည်အောင်။ ရုပ်ရည်တို့ကို။ ပြလိုစိတ် မှာ။ ငြိုးလေပါ၏့။ ဥစ္စာကြွယ်ရှေး။ ဘသဌေးလည်း။ ပြန်ရေးအပ်ပြီး။ စစ်သူကြီးက။ သ္မီးရတနာ။ မယ်ဥမ္မာကို။ သင့်ရာမှူးမတ်။ ပရိသတ်နှင့်။ တောင်းလတ်သော့အား။ ကျော်ထင်ရှားအောင်။ စုလျားပိုက်သွင်။ ပေးဆောက်နှင်းသည်။ သတင်းနှံ့သိ ကြော်ငြာ တည်း။

ဥမ္မာဒန္တီပျို့ (၁၂)

၁၂။ သဌေးကိုယ်တွေ့။ လျှောက်ခဲ့၍့လျှင်။ တနေ့ရောက်သော်။ ပုဏ္ဏားတော်တို့။ ခေါ်၍့လျင်ထွေ။ ကြည့်ကြချေဟု။ စေတော်မူက။ ဗြာဟ္မဏတို့။ သွားကြာအလျောက်။ အိမ်သို့ရောက်လျှင်။ ဝမ်းမြောက်ကြွေးကြော်။ ဆရာတော်ဟု။ ကျော်အောင်ဆုပေး။ သျှင်သဌေးလည်း။ ကျွေးမွေးလတ်သော။ ပုဏ္ဏားတော်တို့။ အဖော်သတင်း။ ဧည့်ခံ တွင်း၌။ ထမင်းဂဏာ။ စားနေခါတွင်။ သော်တာပြည့်ဝန်း။ တိမ်ပုံစွန်းက။ ရွှန်းရွှန်း ယုန်စက်။ ပေါ်လာထွက်သို့။ ပြိုးပြက်ရောင်ထင်။ တန်းဆာဆင်လျက်။ အကြင်ရောခါ။ ထွက်၍့လာသား။ ဥမ္မာဒန္တီ။ ဆင်းနတ်ပီ၏။ သိင်္ဂီရုပ်ပုံ၊ ရူပါရုံသည်။ ကြေးမုံမှန်ဝ၊ နေရောင်ပြသို့။ ပုဏ္ဏားမျက်စိ။ မြင်သည်ရှိသော်။ အာရမ္မဏိက။ ဟဒယမှ။ ရာဂလွန် စိတ်။ စေတသိက်တို့။ ချွန်းချိန်မရ။ ဆင့်နှယ်ထ၍့။ ပုဏ္ဏားခံတွင်း။ ထမင်းခွံလက်။ သတိပျက်လျှင်။ ခေါင်းထက်သို့ကျော်။ ကျော်ပေါ်သို့တက်။ လက်ကတီးရောက်။ မေးအောက်လည်ပင်း။ ဟင်းအလူးလူး။ ကိုယ်စီးရူး၍့၊ နမူးနထိုင်း။ ဗိုင်းဗိုင်းခွေညွတ်။ အချွတ်ချွတ်နှင့်။ တရွက်တသီ။  ကိုယ်စီနည်းခြား။ အမှားမှားဖြင့်။ ပုဏ္ဏားတစု။ ရှက် ဖွယ်မှုကို။ ပြုကြသောခါ။ လက္ခဏာ၌။ ချင့်မှာသတိ။ မရှိသသူ။ ဖတ်မူဘဇာ။ မှန်နိုင် ရာလိမ့်။ စိတ်မှာထဲးသို၊ နှုတ်ကဆိုလျက်။ လည်ကိုငင်၍့။ ထုတ်နှင်လိုက်သော။ ပုဏ္ဏားတော်တို့။ ထိုရော်ကာလ။ ရှက်ကြသော့အား။ အငြိုးထားလျက်။ မိဖုရားစစ်။ မဖြစ်စိမ့်ငှာ။ လျှောက်စရာကို။ ပြန်တာခရီး။ တိုင်ပင်ပြီးမှ။ မင်းကြီးရှိရာ၊ ဝင်ကြလာ၍့။ အင်္ဂါယုတ်ကြောင်း။ မယူကောင်းဟု။ ထိန်းကျောင်းမဲ့ချုတ်။ ဒေါသယုတ်ကို။ မထုတ် မနှင်။ အဟုတ်တင်သည်။     ။ဆင်ခြင်မထောက် မစာတည်း။

ဥမ္မာဒန္တီပျို့ (၁၁)

၁၁။ တရံရောခါ။ တနေ့မှာ၌။ ဥစ္စာကြွယ်ပြီး။ သဌေးကြီးသည်။ သ္မီးရတနာ။ စောဥမ္မာ ကို။ အိမ်ရာထောင်လောက်။ အရွယ်ရောက်၍့။ ချင့်ထောက်မျှောက။ ငါးပါးစသည်။ မိဘတို့ဝတ်။ တရားမြတ်ဖြင့်။ မချွတ်စေမှု။ ခင်ပွန်းပြုဖို့။ ကြည့်ရှုလတ်သော်။ မျိုးဖော် ဆွေချင်း။ မတော်လျှင်းခဲ့။ အဆင်းရောင်ညီး။ ငါ့သ္မီးသည်။ မင်းကြီးမှမူ။ တပါးသူနှင့်။ လူတွင်ဖြစ်သော်။ ကြည့်ရှုမျှော်လည်း။ မတော်သော့အား။ သူတပါးနှင့်။ ထိမ်းမြားခြင်း ငှာ။ မထိုက်ရာဟု။ မင်းမှာဆက်မည်။ နှလုံးရည်လျက်။ ကြံစည်ပြီးသော်။ ရွှေနန်း တော်သို့။ သင့်လျော်ကာလ။ ဝင်ပြီးမျှလျှင်။ ခယရိုညွတ်။ ပရိသတ်နှင့်။ လျောက်ပတ် ရာက။ ရှိဦးချ၍့။ ဘုရာ့ကျွန်တော်။ သမီးသော်ကား။ နှုန်းဖော်ပြိုင်ဖက်။ ဤမြေထက် တွင်။ မဖက်မမြင်။ လှခေါင်တင်ကို။ အသျှင်လိုက။ ဗြာဟ္မဏတို့။ ကြည့်ကြစေပြီး။ မင်းကြီးဘုန်းထူ။ လုပ်ကျွေးလူဖို့။ ယူတော်မူပါ။ လျှောက်သောခါ၌။ မဟာနရ။ လူမျာ့း သနင်း။ သီဝိမင်းလည်း။ ဝမ်းတွင်းစိတ်ညီ။ ကောင်းလှပြီဟု။ ဤသို့နှုတ်က။ မိန့်ပြီးမှ လျှင်။ အားရဝမ်းသာ။ ကြည့်စိမ့်ငှာကို။ ကောင်းစွာစုံလင်။ ခန့်စီရင်၏့။ သခင်ကြွယ် ရှေး။ ထိုသဌေးသည်။ မနှေးလျင်ပြင်း။ ပြန်လေလျှင်း၍့။ မပျင်းမရိ။ ဝေဖန်ချိလျက်။ မင်းကြီးပုဏ္ဏား။ ဆရာများတို့။ လာငြားသော့ခါ။ ကျွေးစရာကို။ ဂဏာနို့ပျား။ စီရင် ထားသည်။ ခမ်းနားတင့်တယ် လှစွာတည်း။

ဥမ္မာဒန္တီပျို့ (၁၀)

၁၀။ ထိုရောအခါ။ စောဥမ္မာ၌။ ရောင်ဝါရူပ။ နှိုင်းမမျှအောင်။ အလှကျူးကျော်။ ကုသိုလ် ဖော်၍့။ မိန့်တော်ဗျာဒိတ်။ အကြောင်းဟိတ်မူ။ အတိတ်ကာလ။ ဗာရဏဝယ်။ ကဿပ မြတ်စွာ။ သာသနာတွင်။ ဥမ္မာဒန္တီ။ မဖြစ်မီက။ ဤသည်ဘဝ။ ဆင်းရဲးလှ၍့။ သူမျာ့း နည်းသာ။ ဝတ်ချင်ပါလည်း။ သပြာဝယ်ရန်။ မရှိဟန်ကြောင့်။ စေကျွန်သုံးနှစ်။ ခံသည် ဖြစ်မှ။ တထည်ရ၍့။ မြစ်ကရေမိုး။ ချိုးမြသန့်စွာ။ ဝတ်မှီငှာကို။ ဝမ်းသာသော့ထွေ။ ပြကာနေသာ်။ စုံခြေမြိုင်နန်း။ တော်ဝယ်မြန်းသည်။ ရဟန်းတပါး။ သင်္ကန်းများကို။ ခိုး သားညဥ့်ငှက်။ မောသောပျက်တို့။ သုလက်ငွေကြေး။ သူမပေးလျက်။ ကတ်ကျေးနှင့် ကိုက်။ ဖြတ်လုပ်လိုက်သို့။ တော၌ယူချွတ်။ ဖက်ဝတ်၍့။ လွှတ်လိုက်သော့ခါ။ လုရပ် လာလျှင်။ ဥမ္မာမယ်လျ။ မြင်ကာလ၌။ ရှေးကငါ့အား။ လှူမဲ့ငြား၍့။ ရှားပါးစွာလှ။ ခုဘဝ ဟု။ ဒါနသံဝေ။ ဖြစ်တုံလေသော်။ စိတ်စေတနာ။ ရွှင်ထက်စွာလျက်။ နောင်ခါသည်လို။ ဆင်းရဲးကိုယ်နှင့်။ ငြိုငြင်တောင့်တ။ မရှိရအောင်။ မြဇမ္ဗူရာဇ်။ ရွှေပွတ်သစ်ဝယ်။ လျှပ် စစ်နွယ်သို့။ နိကာယ်ခေါင်ဖျား။ ရောင်ခြည်းပွား၍့။ ယောက်ျားတကာ။ မြင်သောခါ၌။ တည်ရာမရ။ ရူးမူးကြအောင်။ လှပလိုကြောင်း။ ဆုယူတောင်းလျက်။ တောကျောင်း ပျော်မြန်း။ ဤရဟန်းကို။ ဝတ်ပန်းပုဆိုး။ လှူသည်ကျိုးကြောင့်။ ထက်မိုးဘုံမှာ။ ဝတိံ သာဝယ်။ စံကာတဆက်။ နတ်ကသက်မှ။ အရိဋ္ဌတွင်။ ဓနဥစ္စာ။ များစွာရွှေငွေ။ ကုဋေရှစ်ဆယ်။ ကြွယ်လတ်တုံပြီး။ သဌေးကြီး၏့။ သမီးဖြစ်ခါ။ လမျက်နှာတွင်။ သော ကြာဥဠု။ ယှဉ်ပြိုင်စုသို့။ စက္ခုသောတ။ ဃာနဇိဝှာ။ ကောသာချေဆုံး။ တကိုယ်လုံး၌။ ရွှေတုံးပွတ်သစ်။ ဇမ္ဗူရာဇ်သို့။ ညစ်ကြေးဟူက။ မြူမလိမ်းကျံ။ ကျူးမီးလျှံလည်း။ နှိုင်း ကြံမမျှ။ လျှပ်ရောင်ပလျက်။ ခေါမရောမ။ တိုင်းမှထွက်စုံ။ ကောတုမ္ဗရာဇ်။ ဖြစ်သည် ပုဆိုး။ အဖိုးသိန်းထိုက်။ ကိုယ်၌မကွာ။ ဆင်ရပါ၍့။ ရုပ်ဝါဟန်ပန်။ ဖက်မရန်တည့်။ သဏ္ဌာန်တင့်မော။ မြင်သူဇော၌။ အဆောတလျင်။ တပ်စိတ်ဝင်လျက်။ ဘဝင်လွန်ကျ။ ရူးအောင်လှ၍့။ ပဉ္စကလျာ။ ခြောက်ပြစ်ကွာကို။ ဥမ္မာဒန္တီ။ နွတ်သညီဟု။ သိင်္ဂီပုံနှိပ်။ ရွှေတံဆိပ်နှင့်။ ရွှေချိပ်ရွှေမင်။ ရွှေလိပ်တင်သည်။ ။ လူရှင်ခေါ်ကြ စရာတည်း။

ဥမ္မာဒန္တီပျို့ (၉)

၉။ ပြည်လေးမျက်နှာ။ စည်ပင်စွာသား။ မဟာနာဂရ။ အရိဋ္ဌဟု။ နာမတွင်ဖိ။ တိုင်း သီရိ၌။ တိရီဋိဝစ္ဆ။ မည်ရတွင်ပြီး သဌေးကြီး၏့။ သ္မီးရတနာ။ လှကညာကို။ ဥမ္မာဒန္တီ။ ဘွဲ့သိင်္ဂီနှင့်။ နတ်မီသဏ္ဌာန်။ လှပဟန်မူ။ နှိုင်းရန်မပြု။ မိုးအောက်သူတွင်။ ဇမ္ဗူမင်းစံ။ ရွှေပွတ်ခံသို့။ ရိုးတံရိုးဆစ်။ ပြေပြစ်ချောမော။ မြကြောစိမ်းစိမ်း။ ရှိမ်းရှိမ်းစိုစို။ လှသည် ကိုယ်၌။ ရှိုက်ဖိုကြီးငယ်။ အသွယ်သွယ်မှု။ တင့်တယ်စေမှု။ သိကြားထုသို့။ ညံ့နုသား ရေ။ မြဆံကေလည်း။ ဖြေသော်ပြန်တက်။ ဖနောင့်ထက်ဝယ်။ ကျီးနက်တောင်ပံ။ ပိတုန်းပျံသို့။ ဖိတ်လျှံရောင်ခြည်။ တလံရှည်လျက်။ ရိပ်ခြည်မမှိန်။ ရုပ်ရည်ထိန်၍။ ဒေဝိန္ဒရ။ သိကြာ့သ္မီး။ စံသီးနတ်တူ။ မြင်သသူတို့။ လူပုထုဇန်။ ပုဂ္ဂိုလ်မှန်မူ။ လျင်မြန် ခုန်မြောက်။ သေရည်သောက်သား။ မျောက်၏့ပမာ။ ထောင့်ငါးရာကြောင့်။ ကာယိနြေ္ဒ။ မှိန်မသေပဲး။ လက်ခြေအာပေါင်။ ချွန်းတောင်ဉာဏ်ခိုင်။ မချိတ်နှိုင်၍့။ ထိုင်ယောင်ထ ယောင်။ ကတောင်ကချောက်။ စိတ်နောက်ကိုယ်ပါ။ ကိုးရာမရ။ ရူးအောင်လှသား။ ပုညမူကား။ အလှူအနည်း။ တထည်တည်းမျှ။ မစ္စည်းလည်းသန့်။ စိတ်မတွန့်ပဲး။ ပေး စွန့်ပေတတ်။ ပုဂ္ဂိုလ်မြတ်အား။ ရိုညွတ်ကြည်ညို။ ရှေးကုသိုလ်ကြောင့်။ နဂိုတိုင်းပင်။ မပြုပြင်လည်း။ မြင်သူမိန်းမှိုင်။ ထိန်းမခိုင်သည်။ ။ ယိမ်းယိုင်ဗျာပေါင့် ဗျာပါတည်း။

ဥမ္မာဒန္တီပျို့ (၈)

၈။ ပြည်ရေးပြည်ရာ။ အဖြာဖြာတွင်။ ကြောင်းရာရှိမူ။ နုသာဓုကို။ မပြုဖဲးကြဉ်။ ခုနစ် စဉ်လည်း။ မယှဉ်လုဘောင်။ မလောင်ဒိသာ။ ဥက္ကာပြောင်ပျံ။ ငှက်သံစံနည်း။ တော် လည်းသင်္ကြန်။ အဝမာန်နှင့်၊ ပြိုင်ဟန်မလွဲး။ ဒိန်နက်သဲးတည့်။ နီရဲးတိမ်ထပ်။ ကြက် ခွပ်လျှပ်ပြက်။ ကိတ်ထွက်အမျိုး။ အခိုးတမ်းခွန်။ မညွှန်မပြ။ အာကာသ၌။ ဣဋ္ဌရုံသာ။ မြေလှုပ်မှာလည်း။ အင်္ဂါစနေ။ မြွေနှင့်လိပ်ရုပ်။ မလှုပ်မရှက်။ ဆင်ဝက်တွင်သာ။ နေ့ငါး ဖြာ၌။ ဘူမာနိမိတ်။ အတိတ်လုံးစုံ။ အကြောင်းကြုံ၍။ တောချူံမြိုင်ကြား။ ချောင်းနေ စားသည်။ သစ်ကျားခြင်္သေ့။ တရွေ့ရွေ့ဖြင့်။ ရွှေ့ကြလွတ်ကြောင်း။ မြွေအပေါင်းနှင့်။ မိကျောင်းငါးမန်း။ မကန်းလိပ်ကျောက်။ အဆိပ်ရောက်သား။ လူကြောက်များစွ။ ကြမ်း ကြုတ်လှသည်။ စဏ္ဍဟတ္ထိ။ အဿမိဂ။ ကုက္ကုရမှ။ စသည်သတ္တဝါ။ နတ်မိစ္ဆာကို။ သမာနတ်တို့။ လွှင့်လိုက်ပို့၍့။ ရွှေမြို့ရွှေပြည်။ ဝပြောစည်လျက်။ ပတ်လည်အုတ် ကျက်။ ရွာချင်းဆက်မျှ။ ကြက်ပျံမကျ။ သာမောလှသား။ မြို့ပြကျေးရွာ။ ဘေးမျိုး ကွာ၍့။ အစာအစား။ ပေါများသောတွက်။ ကျီးနှင့်ကြက်လည်း။ ဆင်းတဲနွှဲးဖင့်။ အိပ် တန်းပင့်ထက်။ နေမြင့်နေမြင်။ သိုက်ထဲးတွင်၌။ ချစ်ခင်မြူးပွဲး။ ရင့်ရူနွဲးသည်။   ။ကြည်ကွဲးစာနောင့် စာနာတည်း။

ဥမ္မာဒန္တီပျို့ (၇)

၇။ ဝိဒေဟဟု။ ရဋ္ဌမည်ရှိ။ ပြည်မိဓိ၌။ နေမိမင်းမျိုး။ မဂ္ဃဆိုးမူ။ လမ်းရိုးမပျက်။ အဆက် ဆက်ဖြင့်။ တောထွက်ကျင့်ကောင်း။ စဉ်မပြောင်းသို့။ တသောင်းကျော်ဟိုး။ သိဝိမျိုး လည်း။ ဘေးဘိုးစဉ်လာ။ မင်းတကာပင်။ သဒ္ဓါသီလ။ ဒါနများစည်။ စာဂတည်၏။ ပြည်သူပြည်သား။ လူအများလည်း။ နွားလားဥဿဘ။ လမ်းဖြောင့်ကြွလျှင်။ နောက်က ပါသား။ ထိုနွားများလည်း။ စဉ်လျားစိုက်စိုက်။ လမ်းဖြောင့်လိုက်သို့။ လူ၌စင်စစ်။ မကိုဋ် ဖြစ်သား။ သီဝိရာဇ်မင်း။ စောင့်ထိန်းခြင်းကြောင့်။ သတင်းနှစ်ခြိုက်။ သုစရိုက်ကို။ ကိုယ်၌လက်စွဲး။ ကျင့်ဝတ်မြဲးလျှင်။ ပြည်ထဲးပြည်ပ။ ရှိသမျှ၌။ ရသသြဇာ။ လေးနက်စွာ ကြောင့်။ ရောဂါမယှဉ်။ မှုခင်းကြဉ်လျက်။ ဝိဉာဉ်ရှည်လျား။ ရှိကြငြားသော်။ သမား ကင်းကွေ။ ရှေ့နေမရှိ။ ဓမ္မိပိုင်စိုး။ မှူးမတ်မျိုးလည်း။ တန်ဆိုးမစား။ ပစ်သည်မြားသို့။ တရားမတိမ်း။ ဧးဧးငြိမ်းလျှင်။ ခပ်သိမ်းပြည်သူ။ တောင်းဆုယူနှင့်။ ဗိုလ်လူများစွာ။ သတ္တဝါတို့။ နတ်ရွာလမ်းတွင်။ လှူဒါန်းရွှင်၍့။ သဘင်ခံမြဲး။ ညံမစဲသည်။ ။စည်နှဲးနာ သောင့် နာသာတည်း။